थार दावहारु जोहोलाव

Dwimu Khungur Boro

www.bodopress.com

 25 - 10 - 2017
बुधबार
बाथ्राखौ खोनानायाव बोरैबा ब्लाबो सैथो बाथ्राया बेनो दि - - मोनसे माहारिनि थार दावहारु जोहोलाव जोहोलावजो फोरा बिसोरसो जाय माहारिनि इउन जोलैखौ सोलोंथाय आरो राजखान्थि मोनथायजों गोगोम दाफुंलानो नारा नाथा दैदेनो जेरै एबसु, थार जोहोलाव आ बिथांआसो जाय गावनि बिमा रावखौ फोथांना लाखिनो थाखै बर' बिजों भेनसार फरायसालिआव दान बान्था गैयाब्लासिनो फोरोंगासिनो दं, थार जोहोलाव आ बिथांआसो जाय हारिमु खौ हमथाना लाखिनो थाखै थै थां खामानि मावगासिनो दं, थार जोहोलाव आ बिथांआसो जाय हारिखौ सिनायथि होनो थाखै गावखौ बाउसोमना गेलेगासिनो दं, रोजाबगासिनो दं, मोसागासिनो दं, आबाद मावगासिनो दं, दानाय लुनाय मावगासिनो दं। थार जोहोलाव आ बिथांआसो जाय मुलामफा आरो खहा जानायखौ सानाब्लासिनो पकेटनि रां गारसोमनानै बर' सावथुन दिहुनगासिनो दं। थार जोहोलाव आ बिथांआसो जाय गावनि गुबै धोरोमखौ बुहुमाव हमथाना लाखिनो थाखै नारा नाथा दैदेनगासिनो दं।
आखायाव गिथाव बाथाव हाथियार लाब्लानो गासैबो जोहोलाव नंजोबा।